صحيح صدق اللي قال ... الغربة مرة
الكل ملهي والحياة سريعة
والكل ورا الفلوس بيجري وللأسف دي الحقيقة
لا وقت المرض تلاقي جمبك حد
ولاقت الشدة حد بأيده ليك يمد
ولاحد بيسأل على حد
ولاتلاقي حد حسك
ولاحد من قلبه بجد حبك
وكل ده وعمري محسوب عليا
شايف بيجري قصاد عنيا
وسنيني من إيدي تتسرق
وقلبي بكل لحظة حنين لأيام زمان بيحترق
صحيح صدق اللي قال .. الغربة مرة
جوايا مليون سؤال وسؤال ولا لاقي جواب
وفضيت عليا دنيتي لا ليا أصحاب ولا أحباب
ههههه حاسس أني هنا مدفون
وبيني وبين بلدي أسوار وحصون
وكل ماأقول ياواد خد قرار واتخلى عن كل حاجة وأنزل
ومش مهم من الصفر تبدأ
ألاقي اللي يرد عليا ويقولي أعقل وأركز
بالواقع لازم أمرك تسلم وتصدق
صحيح صدق اللي قال .. الغربة مرة
وكل حاجة ف دنيتنا وليها تمن
حتى لو كان عمرك ..ويــاه على ده تمن
قلبي من سنين الغربة خلاص
ينبض بلا حياة بلا إحساس
قلبي وسط الحياه ... تــــاه
نســـيت وأتنــــسيت
حـــييت مهــما حـــييت
لا هقدر أرجع اللي فـــات
ولا أحـــيي اللـــــي مــات